Cristóbal Dios (Tri-Penta Terras de Lugo) e María Ortega (TriToledo) proclamáronse hoxe vencedores do V Desafío Illas Cíes, revalidando desta forma o triunfo conseguido o pasado ano.
Na categoría masculina Cristóbal Dios ademais logrou o mellor rexistro das cinco edicións desta proba cun tempo de 3:55:55 para realizar os 1,9 quilómetros de natación, os 90 quilómetros de ciclismo e os 22,1 de carreira a pe.
O podio masculino quedou formado por Cristóbal Dios no máis alto, mentres que segundo foi Ismael López (Tríatlon Vilagarcía) e Sergio Bolado (Elche) na terceira posición.
Na proba feminina, María Ortega logrou o triunfo (4:34:10), con María Jesús Coya (Cidade de Lugo Fluvial) na segunda posición e Ana Caleya (Tríatlon Clavería Móstoles), na terceira.
