O 1 de abril finalizou o campus multideporte que organizou o club 100Tolos en colaboración co Club do Mar de San Amaro e a Federación Galega de Tríatlon e Pentatlón Modermo.
E precisamente destes deportes trataba o campus. Durante tres días máis de 40 nenos e nenas de 8 a 14 anos practicaron natación, esgrima, tiro con pistola láser, carreira e bicicleta. Para moitos deles tanto a esgrima coma o tiro e a combinación deste coa carreira foron un descubrimento. Na piscina practicaron habilidades específicas do segmento de natación do triatlón e na bici coñeceron as transicións do triatlón. En conxunto un montón de cousas novas que fixeron as delicias dos rapaces, sobre todo dos máis pequenos.
Este campus enmárcase dentro das actividades que organiza 100Tolos para promover a práctica deportiva entre os nenos da cidade e en especial as da escola de tríatlon e pentatlón moderno que se creou esta tempada.