Coma cada ano a FEGATRI comeza a tempada de formación no estamento de oficiais. Un colectivo imprescindible para o desenvolvemento do tríatlon na comunidade garantindo o xogo limpo e a seguridade das competicións ao longo da tempada.
Unha ducia de oficiais incorporaranse ao Equipo do Colexio Galego de Oficiais na tempada 2025, unha vez superada a parte teórica e práctica da súa formación que comezou co desenvolvemento dunha fase virtual en tres xornadas de 3 horas (11,12,18 de xaneiro) .
Unha vez superadas as xornadas virtuais e os tests correspondentes o grupo realizará unha xornada presencial o próximo 25 de xaneiro en Santiago e a continuación tres prácticas en competición autonómica antes de tramitar a súa licenza e incorporarse de xeito efectivo ao equipo. A FEGATRI conta un ano máis coa colaboración do Tríatlon Inforhouse Santiago a quen agradece a posta a disposición do local do seu club e material imprescindible para levar adiante a acción formativa presencial deste curso
O domingo, 19 de xaneiro, celebrarase de xeito virtual á formación FETRI de especialización de DT autonómico para oficiais Nivel 2 que tamén contará con oficiais galegos e por último o 26 de xaneiro celebrarase no Hotel Santiago Apóstol a actualización e formación continua dos oficiais con licenza en vigor,
——————————
XORNADAS DE RECICLAXE E ACTUALIZACIÓN DE OFICIAIS
Data: domingo, 26 de xaneiro de 2024
Hora: 9:30 a 13:30
Lugar: Presencial e online- Sala de zoom
Lugar: Presencial e online- Sala de zoom
INSCRICIÓN
Formulario de google
PROGRAMA
– Avaliación tempada 2024
– Avaliación tempada 2024
* Valoración da tempada. Revisión e actualización de Procedementos.
– Revisión de regulamentos. Cambios e actualización.
– Revisión de regulamentos. Cambios e actualización.
– Planificación da tempada 2024.
* Probas Autonómicas
* Probas Nacionais
* Probas internacionais
O Comité Galego de Xuíces e Oficiais convoca xornada de actualización para oficiais, de cara á actualizar e revisar procedementos e reglamentos para enfrontar a nova tempada 2025 na que Galicia conta co seu calendario autonómico habitual e de novo con grandes eventos nacionais e internacionais aos que facer fronte. A complexidade para garantir de xeito viable a seguridade técnica e o desenvolvemento das probas de Tríatlon en Galicia, implica unha actualización e formación continua por parte do equipo. Sendo imprescindible revisar e axustar os procedementos e actuacións de cara a por en valor o traballo do colectivo no desenvolvemento do noso deporte, poder afrontar estes campionatos e responder aos mesmos con calidade e rigor.
Esta xornada é aberta, non só para os oficiais que se atopan con licenza na tempada, senon para quen pertenza ou teña pertencido a este colectivo e poida ter interese en actualizar o seu coñecemento ou aportar puntos de vista ao colectivo.
———————–
XORNADA PRESENCIAL CURSO OFICIAL NIVEL1 DE TRIATLÓN- SANTIAGO DE COMPOSTELA
Data: Sábado 25 de xaneiro de 2025
Horario: 15:00 a 19:00 h.
Localizacion : Estadio Vero Boquete- San Lázaro- Local Inforhouse Santiago-
