A fin de semana pasada, do 29 ao 30 de marzo, celebrouse no país veciño, Portugal, a Copa de Europa de Tríatlon nas categorías élite e júnior, dando o pistoletazo de saída ás probas de tríatlon en Europa 2025. Na élite masculina, o título levouno o novo tríatleta español David Cantero, que demostrou, unha vez máis, a súa superioridade no sector da carreira a pé, marcando o mellor parcial nos 10 km. O podio completárono o británico Oliver Conway, que foi prata, e o suízo Maxime Fluri, que levou o bronce. Na categoría élite feminina, o triunfo foi para a británica Tilly Anema, mentres que a prata foi para a portuguesa Melanie Santos e o bronce para outra portuguesa, Maria Tomé.
En canto á categoría júnior, na proba feminina, a vitoria foi para a suíza Anouk Danna, a prata para a española Cristina Jiménez-Orta e o bronce para a ucraína Yeva Soroka. Na categoría masculina, o primeiro en cruzar a meta foi o británico Brandon Pye, seguido polos portugueses Jose Ferreira e Tomás Figueiredo.
Na élite feminina, a mellor das tríatletas que representaban a Galicia foi María Cassals, do Cidade de Lugo Fluvial, que cruzou a meta na 16ª posición, seguida por Natalia Castro, do Club Deportivo Delikia, que finalizou na 19ª posición, e María Alzaga, do Club AD Náutico de Narón, que acabou na 21ª.
En canto á élite masculina, un dos favoritos para subirse ao podio da proba era o vigués Antonio Serrat, do Cidade de Lugo Fluvial, que partía co dorsal 2, pero que finalizou na 25ª posición debido a un problema mecánico no sector de ciclismo. O novo tríatleta Andrés Prieto, do Club Galego AD. Fogar da Xuventude, finalizou na 30ª posición.
Na categoría júnior, que competiu na xornada do domingo pola mañá, o mellor tríatleta da Federación Galega de Tríatlon foi Damián Suárez, do Club Deportivo Delikia, que estivo a piques de acadar as medallas en Quarteira, quedando cuarto na categoría júnior masculina. Na categoría feminina, a mellor galega foi Lucía Piñón, do Club Deportivo Delikia, que rematou no posto 22º.
O resto de resultados dos tríatletas que competiron representando á Federación Galega de Tríatlon foron os seguintes:
Júnior masculina:
-
Hugo Souto, 30º, AD. Fogar da Xuventude
-
Adrián Sancho, 39º, AD. Fogar da Xuventude
-
Marco Pousada, 53º, Cidade de Lugo Fluvial
-
Luis Piña, 55º, Club Deportivo Delikia
-
Samuel Sánchez, 57º, Club Deportivo Delikia
-
Samuel Fernández, 63º, Cidade de Lugo Fluvial
-
Lucas Riola, DNF, Club Deportivo Delikia
Júnior feminina:
-
Lucía Abad, 28ª, Club AD Náutico de Narón
-
Emma Boda, 31ª, Club Deportivo Delikia
-
Inés Gómez, 32ª, Cidade de Lugo Fluvial
-
Palma Boda, 37ª, Club Deportivo Delikia
-
Lara Solsona, DNF, Club Deportivo Delikia
-
Inés Serantes, DNF, Club Deportivo Delikia
