Montreal acolle unha nova cita das Series Mundiais e o Campionato do Mundo Junior de Tríatlon.
Chega unha nova parada das Series Mundiais para a selección española de Tríatlon, onde contamos co galego Antonio Serrat como segundo clasificado no ecuador da competición como triatleta mellor posicionado.
Foto da Federación Española de Tríatlon
A proba de Montreal disputarase no novo formato eliminator que xa se utilizou nesta mesma sede o pasado ano. O venres realizaranse quendas de semifinais supersprint (e unha serie de repesca posterior) das cales sairán os 30 mellores triatletas para disputar a final eliminator o sábado. O formato eliminator consta de 3 tríatlons supersprint, nos cales se van eliminado os 10 últimos de cada un, quedando unicamente 10 triatletas na última saída pelexando polas medallas.
Debido á a situación climatolóxica local en Montreal, a xornada do venres cos campionatos do mundo junior e as series clasificatorias faranse en formato de dúatlon.
Na proba Junior tamén temos presencia galega coa triatleta do Cidade de Lugo Fluvial Elsa Pena e o triatleta do AD Fogar Andrés Prieto que tentarán manter o nivel do ano anterior para a selección española de tríatlon.
O domingo, para redondear esta fin de semana explosiva, dispútase o Campionato do Mundo de Substitucións Mixtas, no que se poñen ademáis en xogo as primeiras prazas de clasificación olímpica para París 2024.
A falta de saber a composición final da substitución española, poderedes seguir a proba en Teledeporte e en Tiathlonlive.tv.
