O municipio pontevedrés de Poio acollerá o vindeiro domingo día 8 o Campionato Galego de Acuatlón.
No día de hoxe a Casa Consistorial de Poio acolliu a presentación da proba á que asistiu por parte do Concello, a concelleira de deportes, Marga Caldas. Por parte do clube organizador Tino Meis do Club Ciclista Tríatlon Poio. O xefe do servizo provincial de deportes da Xunta de Galicia, Daniel Benavides, e por parte da Fegatri o delegado para a provincia de Pontevedra, Quique Hernández.
A competición disputarase ao longo da mañá do domingo e designará aos campións e campionas galegos tanto en categorías escolares como absolutas. O centro neuralxico do Campionato Galego de Acuatlón será na praza da Chousa en Combarro.
Sen dúbida o acuatlón de Poio é unha proba única, que ofrecelle a oportunidade aos deportistas de competir nun dos pobos máis icónicos da xeografía galega, combinando un esixente circuito cun bonito enclave.
