A viguesa Susana Rodríguez, xunto á súa guía Mayalen Noriega, disputará hoxe mércores 27 de agosto (20:00, hora galega) en Edmonton o Campionato do Mundo de Acuatlón para deportistas con discapacidade na categoría PT5.
A galega terá unha dura semana, xa que hoxe mércores compite en acuatlón e o sábado disputará o Campionato do Mundo de Paratriatlón, que é a proba que máis lle gusta. O pasado ano, no Mundial disputado en Londres, Susana volveu a casa con dúas medallas de prata no peto.
