A viguesa Susana Rodríguez Gacio (Cidade de Lugo Fluvial), xunto a súa guía Mayalen Noriega, participará esta fin de semana na World Paratriathlon Event, que se celebrará na cidade francesa de Besançon.
A proba, que se disputará o domingo, realizarase sobre a distancia sprint (750 metros de natación, 18;5 quilómetros de ciclismo e 5 quilómetros de carreira a pe). Na mesma participarán un total de 60 paratriatletas de Europa, Oceanía e América. Susana competirá na categoría PT5, para deportistas con deficiencias visuais, e enfrontarase a dúas holandesas: Joleen Hakker e Odette Van Deudekom.
Susana Rodríguez chega a esta proba con sensacións encontradas: Moi animada tras gañar a pasada fin de semana en Yokohama a proba das Series Mundiais, e terriblemente decepcionada ao coñecer estos días que non está inscrita no Europeo de Paratriatlon por un erro da Federación Española de Tríatlon que non fixo as inscripcións na proba.
