As promesas galegas Elsa Pena e Esteban Basanta, ambos da canteira do Club Triatlón Cidade de Lugo, partiparán na primeira competición internacional, á que acudirá a Selección Española, no contexto COVID 19.
O próximo domingo, 16 de agosto, despois de meses de suspensións e aprazamento de probas locais, nacionais e internacionais estes deporstistas disputarán a Copa de Europa de Triatlón Junior de Riga (Letonia) . A proba celebrarase na capital letona onde deberán completar un percorrido de distancia supersprinte ( 375m de natación, 13’1km de ciclismo e 3’33km).
Os deportistas , de categoría Junior , e que xa formaron parte do equipo de Relevo Mixto Youth Campión de Europa en 2019 atópanse xa en Riga despois de pasar as pertinentes probas de saúde, antes da viaxe e unha vez no pais de destino, para confirmar o seu estado e poder competir con garantías de seguridade para eles e o resto de deportistas seguindo os protocolos establecidos pola ITU.
12:00 Copa de Europa Junior Feminina
14:30 Copa de Europa Junior Masculina
