Triplete histórico para o club lucense. Nacho Gálvez consegue a medalla de ouro, Jarno Pousada a prata e o ouro Sub-23, e Genís Grau o bronce. Os tres son compañeiros de equipo e integrantes do Club Cidade de Lugo Fluvial.
A fin de semana do 29 e 30 de marzo celebrouse en Cáceres o Campionato de España de Dúatlon na categoría élite, grupos de idade nas distancias sprint e estándar, o Campionato de España de Dúatlon Paralímpico e a carreira para os máis pequenos Pho3nix Kids by Javier Gómez Noya.
María Varo, do Tri Infinity Móstoles, e Nacho Gálvez, do Cidade de Lugo Fluvial, conseguiron os títulos de campioa e campión de España de Dúatlon 2025 na categoría élite. Foi o terceiro ouro nacional para Varo e o primeiro para Gálvez, que ademais lograron a clasificación e o premio económico do Reto 300 pola súa consistencia e regularidade nas primeiras posicións en cada segmento da carreira.
Nacho Gálvez proclamouse campión de España de Dúatlon tras unha carreira apaixonante protagonizada polos tres primeiros clasificados, todos do Cidade de Lugo Fluvial, e por Javier Martín, do Marlins Tríatlon Madrid, que defendía o título acosado polos deportistas do club lucense xa desde o primeiro segmento de carreira a pé, e especialmente no segmento ciclista. O forte ritmo imposto por Gálvez, Jarno Pousada e Genís Grau acabou rompendo ao campión de España e campión do mundo en 2024, que logrou rematar a pesar das molestias coas que tivo que afrontar o final do ciclismo e a carreira a pé definitiva. Sós por diante, Grau, Pousada e Gálvez xogáronse as tres medallas, e o máis rápido foi Nacho Gálvez, cun tempo de 52m44s, seguido de Jarno Pousada, campión de España Sub-23, con 52m47s, e de Genís Grau, terceiro con 52m53s.
No que respecta á categoría élite feminina, María Varo pechou a carreira cun tempo de 1h00m58s, con Marina Muñoz en 1h02m00s e Paula del Pozo en 1h02m13s. A cuarta praza foi para Pilar García, do Stadium Casablanca Mapei, e a quinta para Sara Reimondo, do Cidade de Lugo Fluvial, protagonista no primeiro segmento como ponte entre a escapada de María Varo e a persecución do grupo liderado por Marina Muñoz e Paula del Pozo.
Espectáculo cos Grupos de Idade en distancia Sprint e Pho3nix Kids
As e os dúatletas de toda España participantes nas probas de Grupos de Idade en distancia Sprint foron grandes protagonistas tamén da xornada do sábado nas competicións do campionato nacional de Dúatlon en Cáceres, gozando da cidade e do calor do público en cada recuncho dos duros e esixentes circuítos cacereños.
O Campionato de España de Dúatlon Paralímpico 2025 pechou a fin de semana de competicións da Federación Española de Tríatlon en Cáceres tras a disputa o sábado das carreiras de Grupos de Idade en distancia Sprint, e das probas élite, ás que seguiron a primeira hora do domingo novamente os Grupos de Idade en distancia Estándar.
O Campionato de España de Dúatlon Paralímpico 2025 pecha as xornadas de competicións FETRI en Cáceres
Os podios no nacional de Dúatlon Paralímpico 2025 en PTWC foron para Eva María Moral, do Tríatlon 401 Tetrasod, na categoría feminina; e Emilio Agüera, do Inforhouse Santiago; José Cristóbal Ramos, do Sobre 2 Ruedas Bike; e Manuel Afonso, do Credus, na masculina. A vitoria en PTS2 foi para Lionel Morales, do Natación Nadamás Las Marinas, seguido de Luis Miguel González, do Tríatlon Universitario de Madrid, e José Joaquín Martínez, do Ecosport Alcobendas. Por outra banda, Kini Carrasco, en PTS3, conseguiu o seu último ouro nun Campionato de España.
Carmen González, do Tríatlon Huelva, impúxose en PTS4 a Claudia Tubío, do Tríatlon Rianxo; a mesma categoría que gañou Samuel Rodríguez, do Ecosport Alcobendas, por diante de Bartomeu Caldentey, do Tríatlo Portocolom, e Carmelo Yeray Pérez, do Hospital Perpetuo Socorro Tríatlon. En PTS5 feminina a vitoria foi para Andrea Miguélez, do Tríatlon 401 Tetrasod, por diante de María Fuertes, de La 208 Tríatlon Club, e Josefina Guimarey, do Tríatlon Ecosport Alcobendas; e en PTS5 masculina gañou José Iborra, do Tridimonis, por diante de Damián Sánchez, do Tragamillas Viator Mercaluz, e de Toni Franco, do Tríatlon Don Benito.
Eva María Cambero, do Ecosport Alcobendas, proclamouse campioa en PTVI, título que tamén conseguiu Diego Molina, do Tríatlon 401 Tetrasod, por diante do seu irmán Sergio Molina, tamén do 401 Tetrasod, e de Kevin Méndez, do Koryo Torre-Pacheco. A categoría PTS7 feminina foi para Alba Romero, do Avant Moncada Tríatlo e Paratríatlo, e na masculina gañou Alejandro Meneses, do Tenerife Reactivité Fisioterapia In Side Logistics, por diante de Jorge Otalecu, do Grupo Serman Tríatlon Marbella, e de César Morán, do Ecosport Alcobendas. En PTS8 a campioa foi Nagore Otero, do Tríatlon Poio.
Todas as clasificacións do Campionato de España de Dúatlon Paralímpico 2025 e de todas as competicións nacionais celebradas en Cáceres poden consultarse aquí.
