O municipio murciano de Águilas acolleu a fin de semana do 13 e 14 de setembro unha intensa programación de probas con motivo do Campionato de España de Tríatlon Sprint nas categorías élite, cadete, xuvenil e júnior, así como o Campionato de España de Tríatlon Paralímpico e Inclusivo e o desenlace da Liga Talento coa disputa do relevo mixto.
A participación galega volveu brillar con resultados destacados tanto a nivel individual como por clubs.
Élite: presenza galega no top-10
Na categoría feminina, a mellor representante galega foi María Casals, quen rematou nunha meritoria 4ª posición absoluta e proclamouse subcampioa de España sub-23, rozando o podio absoluto. Tamén destacou Natalia Castro, que acadou a 6ª posición absoluta e foi 4ª sub-23.
Na carreira masculina, o mozo Damián Suárez cruzou a meta en 6ª posición absoluta e 5º sub-23, consolidándose entre os mellores do panorama nacional.
Por equipos Élite
- Feminino: 1º Cidade de Lugo Fluvial, 3º AD Náutico de Narón
- Feminino Sub-23: 1º Cidade de Lugo Fluvial
Masculino Sub-23: 3º Cidade de Lugo Fluvial
Liga Talento e relevo mixto: triplete galego
A xornada do sábado pola mañá deixou un gran resultado no relevo mixto talento, con triplete galego no podio:
1º Club Deportivo Delikia
2º Cidade de Lugo Fluvial
3º AD Náutico de Narón
Na clasificación final da Liga Talento Feminina, o triunfo foi para o AD Náutico de Narón, seguidas polo Cidade de Lugo Fluvial e o Club Deportivo Delikia. Na Liga Talento Masculina, a vitoria correspondeu ao Cidade de Lugo Fluvial, co Club Deportivo Delikia en segunda posición. Ademais, o Club Tríatlon Inforhouse logrou o ascenso a Primeira División.
Categorías menores
Os galegos tamén brillaron nas probas de base:
- Júnior Masculino: 1º Damián Suárez, 2º Lucas García
- Júnior Feminino: 2ª Marta Novo, 3ª Lucía Piñón
- Equipos Júnior Masculinos: 1º Cidade de Lugo Fluvial, 2º Club Deportivo Delikia
- Equipos Júnior Femininos: 2º Club Deportivo Delikia, 3º Cidade de Lugo Fluvial
En categoría Xuvenil, o título nacional foi para Luis Piña, proclamándose campión de España. Ademais:
- Equipos Xuvenís Masculinos: 1º Cidade de Lugo Fluvial
- Equipos Xuvenís Femininos: 2º Cidade de Lugo Fluvial
Na categoría Cadete:
- 2º Jayden Silva
- 3ª Cristina Martínez
Tríatlon paralímpico e inclusivo
Os representantes galegos tamén lograron medallas no Campionato de España de Tríatlon Paralímpico e Inclusivo:
- PTWC: 2º Emilio Agüera
- PTVI: 3ª Susana Rodríguez
- PTVI Talento: 1ª Carla Santoro
- PTS4: DNF Claudia Tubío
- Relevo inclusivo: 2º Carla Santoro e Gil
Grupos de idade
Os grupos de idade tamén tiveron protagonismo na xornada do sábado ao mediodía, coa disputa do Campionato de España de Tríatlon Sprint. A participación galega foi ampla e con bos resultados en distintas categorías.
Os resultados completos poden consultarse na seguinte ligazón:
Resultados oficiais do Campionato de España de Tríatlon Sprint – Águilas 2025
