Os millores duatletas nacionais participaron esta fin de semana na última proba da tempada na cidade de Soria nos Campionatos Nacionais de Duatlón de Media Distancia e Grupos de Idade Estándar.
Nas probas Élite Media Distancia, Usoa Ostolaza e Albert Moreno convertíronse nos novos campiones de España de Duatlón MD. Os representantes galegos na proba élite acadaron as seguintes posicións: Nicolás Domínguez do Náutico de Narón (22), Miguel Daporta do Olímpico de Vedra (26), Xacobo Crego do Jealsa Tríatlon Boiro (30), Adrián Picallo (Olímpico de Vedra), Sergio Tejada do Náutico de Narón (50), Pablo Juan Beascoechea do Tríatlon Poio (51), Jose Manuel Fernández do Náutico de Narón (57).
Ademáis das categorías élite celebráronse as probas de Grupos de Idade con amplia presencia de duatletas galegos.
Destacamos os podios de Iñigo Martínez do Tríatlon Poio (2ª posición G20-24M), Brais Cupeiro do Náutico de Narón (2ª posición G30-34M), Luis Alberto Paredes do Tríatlon Poio (1ª Posición G45-49M), Enrique Hernández do Tríatlon Rías Baixas (3ª posición G55-59M), Manuel Ojea (1ª posición G60-64M), Uxía Fernández do Tríatlon Rías Baixas (1ª posición G30-34F), María Elena Miguens do Olímpico de Vedra (1ª posición G45-49F) e María Belén Lemat do Cidade de Lugo Fluvial (1ª posición G50-54F).
