A CORUÑA VIBROU CO TRÍATLON.

30 de Setembro de 2019

Ao longo da pasada fin de semana a cidade herculina foi a sede do Campionato de España de Tríatlon en Distancia Olímpica.

Máis de seiscentos deportistas, entre os elite, grupos de idade e paratriatletas acudiron á convocatoria da Federación Española de Triatlón, para inundar a fachada atlántica coruñesa co deporte dos tres segmentos. Destacando unha amplia participación de triatletas da nosa comunidade que acadaron grandes resultados.

Dende a Federación Galega de Tríatlon e Péntatlon moderno queremos agradecer á Federación Española por escoller á Coruña como sede deste Campionato de España, ao Concello da Coruña pola súa total implicación co evento, á Secretaria Xeral para o Deporte da Xunta de Galicia, polo respaldo que está mostrando cara o tríatlon, a todos os voluntarios e voluntarias, porque sen eles o gran nivel organizativo que se viu ao longo da fin de semana ben seguro que non sería posible e por último a todos os oficiais e xueces que traballaron arreo polo bo desenvolvemento da proba.

Sen dúbida algunha A Coruña mostrou un gran nivel organizativo e de convocatoria que nada lle ten que envidiar a calquera proba de carácter internacional.

GRAZAS A CORUÑA!!

Quizáis che interese…

Plan Corresponsables

Plan Corresponsables

O Plan Corresponsables é unha nova política pública residenciada na Secretaría de Estado de...

Outra fin de semana intensa

Outra fin de semana intensa

Outra fin de semana intensa para os triatletas galegos coa disputa do Campionato de Tríatlon por...