Acordos da Comisión Delegada de 23 de Outubro

A Comisión Delegada da Federación Galega de Tríatlon e Péntatlon Moderno, reunida o 23 de outubro de 2020 por medios telemáticos  tomou os seguintes acordos:

1.- Competición 2020

– O Concello de Cerdedo-Cotobade en colaboración co Triatlón Rias Baixas confirma a celebración no calendario oficial da FEGATRI do Dúatlon Cros Cerdedo-Cotobade o próximo 6/12/2020. Acórdase aprobar a calendarización e incluílo no circuíto de Dúatlon Cros 2020.

 -Acórdase que o Dúatlon Cidade de Santiago, que conta a data de hoxe co visto bo do Concello para a súa celebración o 22 de novembro,  sexa o campionato galego de Dúatlon de Estrada, disputándose o mesmo nas condicións establecidas polo protocolo COVID da FEGATRI, certificado pola Secretaría Xeral para o Deporte.

– Acórdanse as seguintes modificacións nas normativas aprobadas que rexeran o mesmo de forma complementaria atendendo ás peticións dos clubs, realizadas na útlima xuntanza con eles.

• Disputaranse dúas carreiras separadas, unha masculina e outra feminina. Limitadas cada unha a 100 participantes.
• A inscrición nas probas distribuirase do seguinte xeito, so para federados/as e priorizando aos federados/as con licenza galega ou de clubs galegos que aboaran Dereitos de circuíto.
• As prazas na proba masculina outorgaranse segundo o establecido a continuación:

1. Invitacións establecidas regulamentariamente segundo a clasificación dos clubs no campionato Galego de Duatlon de Estrada 2019 .

2. 30 primeiros clasificados da saída B “Rápida” da proba de Circuíto celebrada “I Dúatlon Concello de Moraña” segundo estaba establecido regulamentariamente
3. 1 invitación para cada club ou independente que tivese aboado o circuíto 2020
4. O resto de prazas cubriranse por orde de inscrición. Abrirase un período para esta  inscrición ata o venres da semana anterior á proba. No caso de que non se cubran as prazas, estas abriranse o luns seguinte e serán completadas por orde de inscrición na plataforma.

Deportistas que non teñan licenza galega deberán enviar solicitude de invitación e o mércores previo á proba comunicaráselles si se lles concede en caso de que quedaran prazas.

• A entidade organizadora poderá celebrar outra proba federada de ata 100 participantes, a inscrición será aberta para deportistas con licenza de tempada.

2.-  Elaboración calendario provisional 2021 coas probas presentadas (Pendente de aprobación Asemblea Xeral)

• • Infórmase das probas presentadas. O Tríatlon Ferrol e o Naútico de Narón presentaron as probas para o mesmo día, 7/8/2021. Valoradas as opcións polos presidentes do clubs, acórdase polo momento, e deixando pendiente a posible modificación a outra fin de semana con condicións viables de marea,  presentar a proposta en días consecutivos, para o 7 e 8 de agosto.
  • Pendientes dar normativas e/ou modificacións regulamentarias da próxima Asemblea Xeral, polo momento deixanse as probas segundo as presentaron os organizadores a cpto galego,circuíto ou popular. Tendo en conta que no caso do Dúatlon de Lugo previsto para novembro podería ser de circuíto ou aberta e o mesmo ocorrería con A Pobra do Caramiñal en Tríatlon. A este respecto acórdase falar coa organización de Pontevedra para ver se organizarían igualmente proba de circuíto co fin de ter máis probas e por data ver a posibilidade de organización do Cpto Galego de Tríatlon e Paratríatlon en A Pobra. Tamén se acorda propoñer un ano máis ao Desafío Islas Cies como Cpto Galego de Media Distancia.