ANTÓN RUANOVA, SEXTO NO CAMPIONATO PANAMERICANO DE TRÍATLON

30 de Novembro de 2016

Antón Ruanova rematou na sexta posición no campionato Panamericano de Tríatlon, que se celebrou esta fin de semana en Bos Aires. O galego, con licenza brasileira, fixo un espectacular segmento de carreira a pe, pero non lle permitiu recuperar toda a distancia perdida na bicicleta, onde unha escapada de sete deportistas foi decisiva.
 
A proba quedou case decidida na bicicleta, onde sete triatletas -con case todos os favoritos entre eles- lograron chegar a T2 con case dous minutos de distancia sobre os perseguidores, entre os que se atopaba o galego.
 
Na carreira a pe, Ruanova foi o mellor cun parcial de 33:01 e remontou moito tempo e quedou a so 22 segundos do bronce.
 

Quizáis che interese…