A Federación Española de Tríatlon co apoio da Fundación Deporte Joven e do Consejo Superior de Deportes, celebrará esta tempada o “Encontro Nacional de Menores 2025”, entre os días 9 e o 13 de xulllo, en Tarazona (Zaragoza) . O encontro, dirixido a deportistas da categoría Infantil (2012/2013) con licenza federativa en vigor, ten como obxectivo é visibilizar e fomentar a práctica deportiva de deportistas menores, aproveitando as contornas que ofrece España para o noso deporte.
A FEGATRI conta con dúas prazas masculinas e dúas femininas reservadas cuxa inscrición financiará. Ademáis pode solicitarse a inscrición de 1 adestrador/a cuxa praza será confirmada posteriormente pola FETRI xa que serán outorgadas por criterio (FFAA máis numerosa e técnicos a completar propostos polas FFAA ata o total do ratio)
De cara a seleccionar aos deportistas para enviar ao evento, ábrese un prazo de inscrición de deportistas e adestradores interesados (2 deportistas masculinos e 2 femininas da categoría infantil e técnico/a)
Deportistas que queden fóra das prazas outorgadas pola federación poderán inscribirse a partir do 5 de xuño na Federación Española de Triatlón para cubrir as prazas vacantes non reservadas ás federacións.
