Intenso fin de semana para o tríatlon galego

Podio feminino FETRIAcoruña triatlon galego

20 de Xuño de 2022

Intenso fin de semana para todo o tríatlon galego esta fin de semana na Coruña.

O sábado o equipo feminino do Náutico de Narón gañou a proba élite por diante do Cidade de Lugo Fluvial e o Diablillos de Rivas.

O equipo feminino do Cidade de Lugo Fluvial acadou a victoria final da Liga Iberdrola co segundo posto conseguido, sendo a segunda praza final para o Náutico de Narón.

Podio feminino FETRIAcoruña triatlon galego

Foto Federación Española de Tríatlon

Na proba masculina a victoria foi para Saltoki Trikideak, por diante de Diablillos de Rivas e Cidade de Lugo Fluvial. O equipo lucense conseguíu os puntos necesarios para manterse na primeira posición da clasificación final, a falta da xornada do Domingo.

triatlon galego masculino FETRIACoruña

Foto da Federación Española de Tríatlon

A xornada do Domingo quedaba reservada para as probas de relevos mixtos e a Copa do Mundo de Paratriatlon.

O equipo navarro do Saltoki Trikideak gañou a proba de A Coruña, por diante de Diablillos de Rivas e CEA Bétera.

O Cidade de Lugo Fluvial certificou o seu triunfo na Liga Nación de Clubes de Tríatlon masculina e na Liga Iberdrola feminina, tras defender nas dúas xornadas de A Coruña os máximos puntos posibles.

O podio da Liga Iberdrola foi:
1. Cidade de Lugo Fluvial
2. Náutico de Narón
3. Diablillos de Rivas

O podio da Liga Nacional de Clubes de Tríatlon foi:
1. Cidade de Lugo Fluvial
2. Diablillos de Rivas
3. Saltoki Trikideak

Gran nivel e moitas victorias con moi bos resultados na Copa do Mundo de Paratriatlon celebrada na xornada do Domingo en Coruña. A paratriarmada española conseguía sete medallas con catro oros para a galega Susana Rodríguez en PTV1, Andrea Miguélez en PTS4, Lionel Morales en PTS2 e Dani Molina en PTS3.

Resultados Copa do Mundo de Paratriatlon Coruña 2022

O Domingo tamén chegaron boas noticias para todo o tríatlon galego coa volta á competición de Pablo Dapena e a súa excelente victoria no Challenge de Gdansk, ademáis do quinto posto de Esteban Basanta na Copa de Europa de Kitzbühel.

Quizáis che interese…

Montreal

Montreal

Montreal acolle unha nova cita das Series Mundiais e o Campionato do Mundo Junior de Tríatlon....