LOITO NO TRÍATLON GALEGO POLO FALECEMENTO DE XOSÉ ANXO CUBA

7 de Marzo de 2018

O tríatlon galego está de loito polo falecemento hoxe de Xosé Anxo Cuba, ex directivo e colaborador desta federación durante moitos anos. Xosé Anxo foi, ademais dun amigo, un membro moi activo da federación: Formou parte da directiva case durante unha década na que lle tocou, entre outras tarefas, o difícil papel de tesoreiro. Cuba-pai de dous ex triatletas, Alba e Roi- era un apaixonado deste deporte e un traballador incansable, que sempre estaba disposto a botar unha man.

A xunta directiva da Federación Galega de Tríatlon e Péntatlon Moderno quere  facer chegar a toda a súa familia e amigos o noso máis sentido pésame e sumámonos á súa dor nestes complicados e duros momentos.

O seu corpo repousa no tanatorio das Gándaras (Lugo), onde mañá xoves, ás 17 horas haberá un acto de despedida.

 

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...