MELINA ALONSO E CRISANTO GRAJALES, GAÑADORES DO XIV TRÍATLON CIDADE DE FERROL

9 de Agosto de 2014

Melina Alonso (Tríatlon Ferrol) e Crisanto Grajales (Cidade de Lugo Fluvial) proclamáronse hoxe gañadores do XIV Tríatlon Cidade de Ferrol, última proba clasificatoria para o Campionato Galego 2014. En todas as probas celebradas ao longo do día (popular, Nade e Corre e probas federadas) participaron preto de 400 deportistas.

 

Na proba feminina, había unha moi boa participación, con nomes destacados e entre elas estivo o triunfo. O club organizador da proba, o Tríatlon Ferrol, tiña importantes opcións nesta categoría e as súas deportistas renderon a un grande nivel. Así, Melina Alonso e Inés Santiago (ambas do Tríatlon Ferrol) foron en cabeza dende o mesmo inicio e elas chegaron destacadas ao último segmento, onde o triunfo inclinouse a favor de Melina con certa superioridade sobre a cadete Inés Santiago. Melina Alonso logrou a vitoria cun tempo de 1:02:27, mentres que segunda clasificada foi Inés Santiago (1:03:54) e terceira Joselyn Brea do Tri-Penta Terras de Lugo (1:05:36), que foi a máis rápida no último segmento, o que lle permitiu remontar varias posicións.

 

podio masculino ferrol - copiaE se foi competida a proba feminina, aínda máis a masculina, cun número importante de triatletas loitando polo triunfo. Un grupo de dez deportistas saíu destacado da auga, con distancias non moi importantes, e foi na bicicleta onde comezou a decidirse o nome dos protagonistas  que loitarían polo triunfo: Crisanto Grajales, Brais Canosa e Antón Ruanova aparecían en todas as quinielas e tamén na estrada nas primeiras posicións. Así, chegamos aos últimos 5 quilómetros de carreira a pe, nos que Crisanto Grajales (Cidade de Lugo Fluvial) confirmou o seu triunfo cun tempo de 54:56, mentres que segundo foi Brais Canosa (Arcade Inforhouse, 55:35) e terceiro Antón Ruanova (Arcade Inforhouse) cun tempo de 55:51. A carreira elite disputouse na modalidade de sprint, con 750 m de natación no Porto de Ferrol, a continuación 20 quilómetros do segmento de ciclismo  e 5 quilómetros de carreira a pe.

 

O resto dos gañadores nas diferentes categorías foron:

 

ü  Cadete: Inés Santiago (Tríatlon Ferrol) e Carlos Brión (Natación Riveira).

ü  Júnior: Irene Serrat (Tri-Penta Terras de Lugo) e Alberto Castiñeira (Arcade Inforhouse).

ü  Sub 23: Melina Alonso (Tríatlon Ferrol) e Ricardo Cárdenas (Muralla de Lugo).

ü  Veteranas/os 1: Silvia Deira (Arcade Inforhouse)  Iván Rubio (Muralla de Lugo).

ü  Veteranos 2: Carlos Villeta (C.T. Tomelloso).

ü  Clubs: A.D. Fogar (feminino) e Arcade Inforhouse (masculino)

 

 

Resultados circuíto. Esta proba está incluída no Circuíto Galego de Tríatlon de Estrada (quinta e última proba) e ademais é clasificatoria para o Campionato Galego 2014. No primeiro tríatlon do circuíto galego 2014, disputado en Riazor (A Coruña), os gañadores foron Carmen Gómez (Tríatlon Ferrol) e José Manuel Pardo Leis (Muralla de Lugo). Na segunda proba, o IV Tríatlon Concello de Arteixo, Nan Oliveras (Tri-Penta Terras de Lugo) e Adriana Barraza (Muralla de Lugo) proclamáronse vencedores, mentres que na terceira, celebrada en Pontevedra, gañaron Roberto Abraham Castellanos e Adriana Barraza (Muralla de Lugo). Por último, sinalar que Brais Canosa (Arcade Inforhouse) e Joselyn Daniela Brea (Tri-Penta Terras de Lugo) proclamáronse campións do IV Tríatlon Concello de Poio.

 

 

Quizáis che interese…

Challenge Mogán Gran Canaria

Challenge Mogán Gran Canaria

LoChallenge Mogán Gran Canaria Mañá sábado 24 de Abril, Pablo Dapena e Ivan Raña competirán cos millores triatletas de...