MELINA ALONSO E LUISMI VELÁSQUEZ GAÑAN O XVI TRÍATLON CIDADE DE FERROL  

20 de Agosto de 2016

Melina Alonso (Tríatlon Ferrol) e Luismi Velásquez (Tri-Penta Terras de Lugo) proclamáronse hoxe campións do  XVI Tríatlon Cidade de Ferrol, último clasificatorio para o Campionato Galego 2016. A proba asistiu o pentacampión do mundo Javier Gómez Noya, lesionado, que participou na entrega de medallas.

Na proba masculina Luismi Velásquez partía como gran favorito e non defraudou, estando sempre nas primeiras posicións dende o inicio. Así, saíu da auga na terceira posición detrás de dous especialistas en natación: Carlos Brión e Jorge González, ambos do Natación Riveira. Na bicicleta Jorge non puido manter o ritmo dos seus compañeiros, que ofreceron un duro duelo, ata que na carreira a pe o venezolano marcou as diferenzas para lograr a vitoria cun tempo de 01:00:56. A segunda posición foi para Carlos Brión (01:02:15), mentres que terceiro foi o catalán Marc Cunyat (Prat Triatlo), que fixo unha boa remontada na carreira a pe.

podio trif errol femNa categoría feminina os xuíces tiveron que decidir o resultado final xa que descualificaron a tres das triatletas destacadas (Joselyn Brea, Camila Alonso e Marta Barbeito) por facer drafting con deportistas masculinos. Houbo reclamacións de Alonso e Barbeito pero os feitos eran claros para os responsables da competición e o triunfo foi para Melina Alonso (Tríatlon Ferrol) que ocupou a primeira posición dende a natación cun tempo de 01:09:31. O segundo posto foi para Edymar Daniely Brea (Tri-Penta Terras de Lugo), que foi a máis rápida na carreira a pe, pero chegou a moita distancia de Melina (01:15:17). O bronce foi para Karola Böhme (Naútico de Narón) cun tempo de 01:24:56.

Os gañadores doutras categorías son:

  • Cadete: Noelia Serantes (Natación Cedeira) e Jorge González (Natación Riveira).
  • Júnior: Edymar Daniely Brea (Tri-Penta Terras de Lugo) e Carlos Brión (Natación Riveira).
  • Sub 23: Tania Suárez (Olímpico de Vedra) e Luismi Velásquez (Tri-Penta Terras de Lugo).
  • Veterán 1: Paloma Herbello (Arcade Inforhouse) e Fady Hout (Tríatlon Coruña)
  • Veterán 2: José Andrés Aldrey (Tríatlon Coruña)
  • Clubs: Naútico de Narón (feminino) e Natación Riveira (masculino).

A proba disputouse na modalidade sprint, con 750 m de natación, 20 quilómetros do segmento de ciclismo e 5 quilómetros de carreira a pe. Ademais das probas federadas, o programa incluía un O “Nada e Corre” para as categorías benxamín e alevín non competitivo e unha proba popular, ambas con distancias máis curtas, polo que en total estiveron competindo en Ferrol máis de 300 deportistas.

XVI TRIATLON CIDADE DE FERROL

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...