Este sábado 12 de maio (16:00 horas) celebrarase o XXIX Tríatlon Concello de Oleiros, no que están inscritos 200 deportistas das categorías cadete, júnior, sub 23, absoluto, veterán 1 e veterán 2.
A proba celebrarase sobre a distancia sprint (750 metros de natación, 21 quilómetros de bicicleta e 5,5 de carreira a pe). A natación terá a súa saída (16:00 horas) na praia de Santa Ana, con chegada á praia de Mera. A meta estará ubicada no Parque da Lagoa de Mera.
Entre as deportistas inscritas aparecen Marta Barbeiro (Náutico de Narón), Penélope Martínez (Tríatlon Arteixo) ou María José Vázquez (NoSportLimit), e na proba masculina Ricardo Rey (NoSportLImit), José Manuel Pardo Leis (Tríatlon Arteixo), Ismael Fernández (Tríatlon Arteixo), Pedro Antonio Esmorís (licenza dun día) ou Miguel Ángel Acosta (Cidade de Lugo Fluvial), entre outros.
O pasado ano proclamáronse campións do Tríatlon de Oleiros Marta Barbeito (Naútico de Narón) na categoría feminina e Álvaro García (NoSportLimit) na masculina.
