O Centro Galego de Tecnificación Deportiva de Pontevedra, acolleu o acto de sinatura do acordo de colaboración entre a Secretaría Xeral de Igualdade da Vicepresidencia e Consellería de Presidencia, Administracións Públicas e Xustiza e a Secretaría Xeral para o Deporte, para desenvolver medidas previstas no Pacto de Estado contra a violencia de xénero.
Á asinatura do acordo asistiron, Xosé Ramón Lete, Secretario Xeral para o Deporte da Xunta de Galicia. Alfonso Rueda, vicepresidente e conselleiro de Presidencia, Administracións Públicas e Xustiza, e representantes de todas as federacións galegas. Por parte da Federación Galega de Tríatlon e Pentatlón moderno acudiu o presidente, Gonzalo Triunfo Delgado.
Despois do acto o Presidente puido compartir impresións cos triatletas becados no CGTD acompañados do seu adestrador Jonathan Cancela.
