O NOSO PENTACAMPIÓN DO MUNDO XA ESTÁ EN GALICIA

22 de Setembro de 2015

O noso pentacampión do mundo, Javi Gómez Noya, xa está en casa, en Galicia, co seu quinto título mundial no peto e a satisfacción do traballo ben feito.

 

IMG_20150922_090703 - copiaHoxe, a primeira hora da mañá, chegou ao aeroporto de Peinador onde lle estaban a esperar deportistas (Saleta Castro, Pablo Dapena, Diego Paz ou Alba Cuba), o presidente da Federación Galega de Tríatlon, Óscar Surís, amigos, afeccionados e alumnos do colexio Martín Codax, que foron camiñando dende o centro para acadar o autógrafo do deportista. Ademais de numerosísimos medios de comunicación que esperaban a unha verdadeira lenda do deporte galego.

 

FullSizeRenderO deportista explicou que aínda está nunha nube, tentando asimilar o sucedido a pasada fin de semana en Chicago, pero moi satisfeito: “Estou feliz polo conseguido, por como estou a competir e sobre todo, feliz por estar en casa, coa familia, que facía moito que non podía estar aquí”. Os títulos que máis ilusión lle fixeron foron o primeiro –porque cumpría o soño que tiña de neno”- e o último -por conseguir algo que ninguén fixera antes-, pero agora xa pensa no próximo reto: “Os Xogos Olímpicos de Río. Agora toca descansar unhas semanas e despois planificar o traballo para a próxima temporada, que estará enfocada a facer un bo traballo nos Xogos”. Asegura que aínda ten fame de seguir gañando “e iso é fundamental para seguir no máis alto nivel” e ten moi claro que a felicitación máis especial para el foi “a da miña familia”.

 

Tamén se lle preguntou pola posibilidade de que se lle conceda o premio Princesa de Asturias, e aí Javi ten a resposta moi clara: “Eu o que quero é seguir gañando probas e campionatos, que é o que depende de min. Os premios teñen un xurado que é o que decide, non son eu. Eu teño que centrarme na competición”.

 

Agradeceu a presenza dos medios de comunicación e manifestou a súa confianza en que “non só é bo para min, senón para o tríatlon galego”. O galego, coa sempre, atendeu a todos os medios de comunicación presentes e posou coa medalla, saudou a amigos, compañeiros, o presidente da Federación Galega, asinou autógrafos e fixo fotos con todos aqueles que se lle achegaron e rematou atendendo aos rapaces do colexio Martín Codax, que acudiron ao aeroporto para recibir ao campión do mundo.

 

 

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...