A Casa Consistorial de Ferrol acolleu esta mañá a presentación do XIX Tríatlon de Ferrol.
A proba está encadrada dentro do circuito galego de tríatlon de estrada. Esta será a última proba do circuito e poñerá en xogo vinte e dúas prazas para a gran final que se disputará en Pontevedra a finais de mes. Máis de douscentos cincuenta triatletas serán os que se darán cita ao longo da mañá do domingo 11 no Peirao de Curuxeiras, epicentro da proba.
Á presentación acudiu o concelleiro de deportes da cidade departamental, José Golpe. Por parte da Fegatri a secretaria xeral Mónica Flores estivo presente. En canto ao clube organizador, o Triatlón Ferrol estivo representado polo seu presidente, Cali Formoso.
Podes consultar o listado de inscritos na seguinte ligazónInscrición XIX Tríatlon Ferrol
