A FEGATRI presenta a creación do Grupo de Interese Federativo (GIF) e Grupo de Seguimento Tríatlon (GST).
O GIF estará formado por deportistas de categorías Xuvenil (2006/2007), Junior (2004/2005), Sub23 (2000 a 2003) e Élite (1999 e anteriores). En total, 35 triatletas formarán parte deste proxecto seguindo unha serie de criterios.
Por outro lado, o GST pretende dar cabida a deportistas das categorías Infantil (2010/2011) e Cadete (2008/2009). O grupo estará formado por 17 triatletas e ten como obxectivo principal levar un control e seguimento dos nenos e nenas en idades de formación.
As accións a realizar serán diferentes en función do grupo e irémolas comunicando a medida que avance a tempada.
