260 PARTICIPANTES NO V TRÍATLON CONCELLO DE POIO, QUE SE CELEBRARÁ O SÁBADO 4 DE XULLO

2 de Xullo de 2015

O sábado 4 de xullo disputarase o V Tríatlon Concello de Poio, no que participarán 260 deportistas nas catro carreiras previstas pola organización. Esta proba está incluída no Circuíto Galego de Tríatlon de Estrada e ademais é clasificatoria para o Campionato Galego 2015.

 

A competición comezará ás 15:30 horas coa saída da proba popular, na que os participantes terán que facer 300 metros de natación, 10 quilómetros de bicicleta e 1,6 quilómetros de carreira a pe. O resto das probas será sobre a distancia sprint (750-20-5). A saída, boxes e meta estarán ubicadas no Porto de Campelo.

 

Ás 17:50 horas darase a saída á proba feminina, na que parten como favoritas as triatletas Camila Alonso (Tríatlon Ferrol), María Martínez (Atletismo Porriño) ou Marta Barbeito (A.D. Fogar). Ademais, en paratriatlon participará a viguesa Susana Rodríguez Gacio (Cidade de Lugo).

 

Para a proba masculina haberá dúas saídas: ás 16:30 h comezará a proba B, mentres que ás 18:00 horas será a saída elite masculina. Na categoría masculina espérase unha loita pechada, ao non haber favoritos claros, con moitos deportistas dun nivel similar.

 

 

A carreira de Poio disputarase na modalidade de sprint, con 750 m de natación no mar, con saída dende o Porto do Campelo. A continuación os participantes realizarán 20 quilómetros do segmento de ciclismo (nun percorrido moi rápido con algunha pendente) e finalizarán coa carreira a pe de 5 quilómetros, que é moi dura, xa que practicamente a metade do circuíto é en subida.

 

Resultados 2014. O pasado ano Brais Canosa (Arcade Inforhouse) e Joselyn Daniela Brea (Tri-Penta Terras de Lugo) proclamáronse campións do IV Tríatlon Concello de Poio, no que participaron 230 deportistas.

 

 

 

 

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...