O domingo 15 de setembro (a partir das 08:00 horas) celebrarase a primeira edición do “Desafío Illas Cíes”, unha proba de longa distancia, que contará coa participación de cincocentos deportistas.
Será, sen dúbida algunha, unha proba moi dura, xa que os participantes terán que realizar 1.900 metros de natación, con saída dende a praia do Vao. Posteriormente realizarán 90 quilómetros de bicicleta (ata A Ramallosa) e finalizarán con 21 quilómetros de carreira a pe.
Esta é a segunda proba de longa distancia que se celebra en Galicia, despois do Aviamán, que xa vai pola súa terceira edición e que dende hai dous anos é tamén o Campionato Galego de Longa Distancia.
