O galego Javi Gómez Noya continúa imparable. A semana pasada logrou o seu terceiro título de campión do mundo nun inesquecible sprint final con Jonathan e hoxe logrou a victoria no Tríatlon Internacional de Pekín.
Fronte a uns rivais entre os que se encontraban tanto especialistas no formato sen pelotón no ciclismo como outros habituais das Series Mundiais, Gómez Noya sentenciou na fase a pe, tras rematar o ciclismo en segunda posición, superado polo australiano Greg Bennett. Nos 10 quilómetros a pé non tardou en poñerse líder e aínda que non facía falta marcou o mellor parcial, avantaxando a Bennet en máis de minuto e medio e ao terceiro, o estadounidense Fleischmann.
Regreso. O galego regresará mañá domingo a Galicia (23:45 horas, aeroporto de Peinador), na que será a primeira visita á súa casa despois de gañar o título mundial en Londres.
