Galicia estará representada por sete deportistas (Uxío Abuín, Ricardo Hernández, Antonio Serrat, Andrés Cendán, Alberto Castiñeira, Melina Alonso e Inés Santiago) na Copa de Europa de Triatlón de Melilla, que se celebrará o domingo 19 de abril nesta localidade autónoma situada no norte de África.
A categoría júnior será a protagonista no inicio da xornada deportiva. A proba feminina comezará as 9.00 horas e na mesma participará Inés Santiago (Tríatlon Ferrol). Na masculina (10.05 horas) contaremos coa participación de Andrés Cendán (Tríatlon Compostela) e Alberto Castiñeira (Arcade Inforhouse). As distancias nesta proba son de 750 metros no sector de natación, 20 quilómetros en bicicleta e 5 de carreira a pe.
A elite feminina comezará ás 15.00 horas e Galicia estará representada por Melina Alonso (Tríatlon Ferrol), mentres que na elite masculina (18.00) contaremos con Uxío Abuín (Tríatlon Arteixo), Ricardo Hernández (Tri-Penta Terras de Lugo) e Antonio Serrat (Tri-Penta Terras de Lugo). A proba celebrarase sobre a distancia olímpica (1.500 metros de natación, 40 quilómetros de bicicleta e 10 de carreira a pe) e a natación realizarase no mar Mediterráneo.
