O galego Pablo Dapena acadou hoxe a sexta posición na Copa de Europa de Riga. O triunfo foi para o ruso Alexander Bryukhankov cun tempo de 53:43.
Pablo estivo sempre entre as primeiras posicións, pero fixo unha moi mala segunda transición -“a peor da miña vida”, nas súas verbas- e perdeu uns segundos fundamentais para loitar polo podio. Ao final, rematou na sexta posición cun tempo de 54:14. Magnífico regreso á competición de Pablo Dapena, despois dalgunhas semanas con problemas físicos.
