Mondoñedo acolleu este sábado 7 de maio a final do Campionato Galego de Dúatlon Escolar 2016 nunha tarde moi desapracible polas pésimas condicións meteorolóxicas, que complicaron o discurrir das probas. Así, ao ter que parar o campionato durante máis de hora e media por unha evacuación en ambulancia, quedou pendente de celebrar a final da categoría cadete (por falta de luz).
A caída foi da alevín Ainhoa Corral (Tri-Penta) que tivo que ser evacuada en ambulancia, pero afortunadamente puido abandonar as urxencias do hospital moi pronto, unha vez se comprobou que estaba en perfectas condicións físicas a pesares do golpe recibido.
Desta forma disputaronse as probas benxamín, alevín e infantil (tanto masculina coma feminina) e destacou que nesta oportunidade os premios repartíronse moito máis que en anos anteriores.
Desta forma, os vencedores por clubs foron:
Benxamín feminino: Cidade de Lugo
Benxamín masculino: Arcade Inforhouse
Alevín feminino: Atletismo Porriño
Alevín masculino: Escola Javi Gómez Noya
Infantil feminino: Cidade de Lugo
Infantil masculino: Mar de Vigo
A continuación, tedes todos os resultados tanto de clubs coma individuais.
Clasificación Campionato Galego Duatlón Escolar Equipos
Clasificación Campionato Galego Duatlón Escolar Individual
