CASE CATROCENTOS PARTICIPANTES NO II TRÍATLON ATLÁNTICO BAIONA

3 de Xuño de 2016

O domingo 5 de xuño terá lugar en Baiona o II Tríatlon Atlántico Baiona – Campionato Galego de Tríatlon Curta Distancia sen Drafting 2015, coa participación de case 400 deportistas.

O Campionato Galego dispútase sobre a distancia olímpica (1.500 metros de natación, 40 quilómetros de bicicleta e 10 quilómetros de carreira a pe) e a saída, boxes e meta están situadas na praia de A Barbeira. A principal característica desta proba é que se disputarán sen drafting, é dicir, estará prohibido ir a roda doutro ciclista ou circular en pelotón.

A proba comezará ás 09:00 horas na praia de A Barbeira e entre os participantes hai importantes triatletas polo que se espera un magnífico espectáculo. Na categoría masculina destacan Pablo Dapena (Cidade de Lugo Fluvial), Cristóbal Dios (Tri-Penta Terras de Lugo), José Manuel Pardo Leis (Tríatlon Arteixo), Pedro Antonio Esmoris (Tríatlon Arteixo) ou Lucas Escaneo (Tríatlon Morrazo). Na categoría feminina (09:10) están inscritas María Ortega (Tri-Penta Terras de Lugo), Sonia Pariente (G.V. Sports Club) ou Blanca Labandeira (Mar de Vigo), entre outras deportistas destacadas.

 Ano 2015. Uxío Abuín e María Ortega proclamáronse  en Baiona campións do  I Tríatlon Atlántico Baiona – Campionato Galego de Tríatlon Curta Distancia sen Drafting 2015, nunha proba espectacular con case 400 deportistas.

 

Quizáis che interese…

Política de cookies

Este sitio web usa cookies para que lle poidamos ofrecer a mellor experiencia de usuario posible. A información das cookies almacénase no seu navegador e realiza funcións como recoñecelo cando volve ao noso sitio web ou axudar ao noso equipo a comprender que seccións do sitio web lle resultan máis interesantes e útiles.