CINCO GALEGOS PARTICIPARÁN O SÁBADO NA CUARTA PROBA DAS SERIES MUNDIAIS DE TRÍATLON EN LONRES

30 de Maio de 2014

Javier Gómez Noya regresa o sábado a Londres en busca dun novo récord: A cuarta vitoria consecutiva nunha proba das Series Mundiais de Tríatlon. O galego é o líder indiscutible da clasificación provisional con tres triunfos en tres probas e quere dar un paso máis cara a revalidar o título mundial, conseguido precisamente o pasado ano nunha final épica en Londres. Xunto a Javi estarán Fernando Alarza, que está a realizar unha espectacular tempada, e Iván Raña mentres que na proba feminina competirán Melina Alonso e María Ortega en busca de puntos ITU para a clasificación para os Xogos Olímpicos.

 Os recordos de Gómez Noya non poden ser mellores de Londres. O pasado ano enfrontaba a proba con poucas posibilidades de lograr o título mundial e logrouno nun sprint cardíaco con Jonathan Brownlee. Así, o sábado 31 de maio (15:30 horas) volverán a estar os mesmo protagonistas (Javi e os irmáns Brownlee) aínda que agora o que vai por diante é o ferrolán. Ademais, tamén participarán en Londres Fernando Alarza, que quere seguir na súa progresión proba a proba, e Iván Raña, que pasará da longa distancia a unha proba das Series Mundiais, ademais en distancia sprint. Porque esa será unha das novidades deste ano: A carreira disputarase na distancia sprint: 750 metros de natación, 20 quilómetros de bicicleta e 5 de carreira a pe.

Na carreira feminina, tamén teremos representación. Melina Alonso e María Ortega buscarán sumar puntos ITU, a pesar da dificultade da tarefa ao competir coas mellores triatletas do mundo.

 

 

 

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...