Cristóbal Rodríguez Fidalgo non acadou un posto na final do Europeo absoluto de Péntatlon Moderno, que se celebrara o sábado en Bath (Gran Bretaña). Hoxe tivo lugar a semifinal e Cristóbal non logrou meterse entre os 36 mellores.
Estivo entre os mellores na natación (foi 10º) e na esgrima (13º), pero na combinada baixou moitas posicións (ocupou a 25ª de 31 deportistas) e así só puido rematar na posición 23 do seu grupo e quedou fóra da final. O galego, aínda que mellorou un pouco na carreira, está a acusar toda a tempada sen poder adestrar de forma continuada por culpa deses problemas de asma que o obrigaron a abandoar Barcelona e regresar a Galicia para adestrar.
