ESTE SÁBADO 14 DE XUÑO CELEBRARASE O XXV TRÍATLON CONCELLO DE OLEIROS

13 de Xuño de 2014

Mañá sábado 14 de xuño (16:00 horas) celebrarase o XXV Tríatlon Concello de Oleiros, que reunirá a 140 participantes de toda Galicia, nunha das probas máis populares do calendario da Federación Galega de Tríatlon.

E proba diso é que o prazo de inscrición na proba só estivo aberto unha hora, xa que nese escaso tempo cubriuse o número máximo de participantes (140) entre todas as categorías (cadete, xuvenil, sub 23, absoluto e veterán). As características do percorrido impiden poder ampliar o número de participantes, polo que a inscrición se pecha sempre en menos de dúas horas. A saída, transición e meta estarán situados no Parque A Lagoa de Mera (detrás da praia de Mera) e a proba celebrarase sobre a distancia sprint (750 metros de natación, 17,8 quilómetros de bicicleta e 5,8 de carreira a pe).

Ademais de ser unha das probas populares con máis demanda de Galicia e a terceira máis antiga do noso país, e ano tras ano pode verse como os participantes esperan a chegada deste evento, metade festivo e metade deportivo. Este ano ademais celebra as súas vodas de prata.

 

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...