Fantástica quinta posición de Antonio Serrat no Mundial sub 23

15 de Setembro de 2017

Antonio Serrat logrou unha espectacular quinta posición no Mundial sub 23, que se disputou esta tarde en Rotterdam. O vigués, que estivo sempre moi metido na carreira, logrou entrar no top-5 do Mundial, nunha proba moi dura e esixente.

Pola tarde foi o momento de Antonio Serrat, no Mundial sub 23 onde o nivel era altísimo con triatletas asiduos ás Series Mundiais e con magníficos resultados. Pero o vigués, que chegaba nun gran momento de forma non se achicou e foi moi valente en todo momento.

A natación foi o segmento máis duro para el, pero aínda así non perdeu demasiado tempo sobre os favoritos, xa que todos eles elixiron a mesma zona, que ao final foi a máis complicada polas correntes e os golpes. Saíu da primeira transición no posto 26º, a 47 segundos do líder, pero moi pronto enlazou cos de diante e xa non se soltou. Na primeira volta da bicicleta xa era 15º, a só doce segundos, e na segunda, estaba no grupo cabeceiro, formado por uns 15 triatletas, con todos os favoritos e o equipo francés completo (Montoya, Dorian Coninx, Leo Bérgere). O grupo estivo compacto ata a volta 5, na que os franceses Coninx e Bérgere lograr abrir un pequeno oco duns vinte segundos, que se achicaron a medida que se acercaba á T-2, na que as distancias eran mínimas. Antonio non perdeu aos favoritos de vista, nun circuíto moi técnico e complicado, no que ían a unha velocidade impresionante.

Todo tiña que decidirse na carreira a pe. Dende o inicio foi unha loita a morte, con Montoya, Coninx e o australiano Luke Williams tirando moi forte. Así, Antonio quedou un pouco descolgado no quilómetro 3 e foi facendo voltas nunha cómoda sexta posición que se converteu na quinta ao superar na última volta a Leo Bérgere. O título foi para Montoya (01:41:28), que venceu ao sprint ao seu compatriota Dorian Coninx. Serrat entrou no top-5 cun tempo de 1:52:22.

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...