O triatleta ferrolán Javier Gómez Noya foi distinguido hoxe como Premio Nacional do Deporte 2013, que recoñeceu tamén a nadadora Mireia Belmonte, a traxectoria das seleccións femininas de baloncesto, a capitá de sincronizada, Ona Carbonell e o adestrador do Atlético de Madrid, Diego Pablo Simeone, entre outros.
O xurado dos premios, reunido este xoves no Consello Superior de Deportes (CSD), concedeu as distincións que entregará a Familia Real e que valoran as dúas medallas logradas por Mireia Belmonte nos mundiais de natación de Barcelona 2013, así como o título conseguido por Javier Gómez Noya no campionato do mundo do ano pasado.
