GUSTAVO RODRÍGUEZ, DESCUALIFICADO NO CAMPIONATO DE ESPAÑA DE LONGA DISTANCIA POR CAMBIAR UNHA RODA DA BICICLETA

O galego Gustavo Rodríguez (Wild Wolf Cidade de Lugo) tivo moi mala sorte no seu debú na longa distancia, no Campionato de España que se disputou hoxe en Callela (Barcelona). O deportista, que se atopaba moi ben, sufriu unha picada na bicicleta cando aínda estaba a comezar o segmento de bicicleta, e aínda que aguantou moitos quilómetros así, finalmente decidiu cambiar a roda e continuar a carreira ata o final, a pesar de encontrarse descualificado polo cambio da roda. O galego encontrouse moi ben na natación e ademais antes da picada xa lograra alcanzar ao grupo de cabeza na bicicleta, pero este contratempo acabou coas ilusións de Gustavo.