INÉS SANTIAGO DISPUTARÁ A COPA DO MUNDO DE TISZAUJVAROS

21 de Xullo de 2017

A galega Inés Santiago (Tríatlon Ferrol) disputará esta fin de semana a Copa do Mundo de Tiszaujvaros (Hungría). Está é unha das probas máis antigas do calendario e ademais unha das máis orixinais, xa que se disputa nun formato diferente.

O sábado 22 celebraranse as semifinais nas que as e os triatletas buscarán o pase para a final, que se disputará ao día seguinte (15:45, proba feminina). Na proba feminina hai dúas semifinais e se clasifican as 14 primeiras de cada semifinal, ademais de dous postos por tempo. É dicir, en total 30 triatletas disputarán a final do domingo. Ambas probas celebraranse sobre a distancia sprint (750 metros de natación, 20 quilómetros de ciclismo e 5 de carreira a pe), polo que os participantes deberán regular as forzas para clasificarse primeiro e chegar en boas condicións á final, despois.

Inés, que se atopa nun bo momento de forma, ven de disputar a Serie Mundial de Hamburgo, onde rematou na 30ª posición, despois de quedar cortada na bicicleta por unha caída.

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...