IRIA RODRÍGUEZ, CUARTA NA COPA AMÉRICA DE TRÍATLON DA HABANA

iria rodriguez en edmonton

24 de Febreiro de 2019

Bo debú para Iria Rodríguez (Cidade de Lugo Fluvial) na distancia olímpica. A galega rematou na cuarta posición na Copa Americana de Tríatlon na Habana. Pola súa banda, Inés Castaño (Arcade Inforhouse) foi undécima.

Iria fixo unha proba moi regular a pesar das duras condicións nas que se desenvolveu a proba (moito vento, calor e humidade). Foi en cabeza durante a natación e logrou meterse na escapada boa, na que figuraban 5 triatletas que chegaron a segunda transición con máis de tres minutos sobre o grupo perseguidor.

Así o triunfo ía a decidirse entre elas na carreira a pe. E Iria estivo na loita polo podio ata os últimos quilómetros, nos que foi superada pola coreana Jang. O podio quedou formado por: Lina María Raga (Colombia) na primeira posición; con Leslie Amat (Cuba) na segunda posición e Yun-Jung Jang, terceira. O tempo final de Iria Rodríguez foi de 02:07:55.

Pola súa banda, Inés Castaño quedou cortada na natación por moi pouco. Saíu da auga xunto a unha americana, pero na bicicleta non puido manter o seu ritmo e quedou descolgada, para rematar na undécima posición e sen sumar puntos para o ranking mundial. De todas formas, é unha proba para sumar experiencia a nivel internacional e ir medrando. Ambas participarán a próxima semana na Copa Americana de Playa Hermosa (Costa Rica).

https://www.triathlon.org/results/result/2019_habana_camtri_triathlon_american_cup/336639

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...