IRIA RODRÍGUEZ, PRATA NA PROBA INDIVIDUAL DO CAMPIONATO DE ESPAÑA DE TRÍATLON ESCOLAR POR SELECCIÓNS AUTONÓMICAS

27 de Xuño de 2015

A galega Iria Rodríguez (Atletismo Porriño) acadou a medalla de prata no campionato de España de Tríatlon Escolar, que se celebrou hoxe en Águilas (Murcia). Hoxe disputouse a proba individual e mañá terá lugar a de relevos. Trala disputa do primeiro día de competición, Galicia ocupa a terceira posición na clasificación por comunidades autónomas.

 

O sábado celebrouse a proba individual, un tríatlon no que os participantes fixeron 750 metros de natación, 10 quilómetros de bicicleta e 2,5 de carreira a pe. Na proba participaron un total de 19 comunidades e cada unha delas tiña a opción de presentar un equipo de catro deportistas por categoría.

 

Na categoría feminina, Iria Rodríguz estivo entre as mellores, tal e como xa fixo a semana pasada no Campionato de España de Tríatlon. Ana Carvajal e Lucía Salafranca lograron escaparse xuntas, mentres que Iria formaba parte do grupo perseguidor formado por 7 deportistas. Nun segundo grupo, Raquel Ruíz (Tríatlon Ferrol) e Rebeca Carnota (A.D. Fogar) con outras seis triatletas máis, intentaban achegarse e nesa loita, Rebeca caeu nunha rotonda, mentres que Raquel quedou descolgada. Ademais, un pouco máis retrasada, Inés Castaño (Arcade Inforhouse) tamén sufriu unha caída.

 

Por diante, Iria logrou remontar e superar a Ana Carvajal, de forma que acadou a medalla de prata na proba, por detrás de Lucía Salafranca, que foi ouro. Raquel foi a 14ª, Inés a 15ª e Rebeca, 29ª. Con estes resultados, Galicia ocupou a cuarta clasificación na xeral por equipos, que está liderada por Valencia.

 

Masculina. Na proba masculina os galegos fixeron unha proba moi regular, o que les levou á terceira posición por equipos. A proba foi liderada dende o inicio por Alberto González, que logrou irse en solitario na natación. Nun grupo perseguidor, formado por cinco deportistas, figuraba o galego Marcos Ruíz (Tríatlon Ferrol), mentres que por detrás viña Alex Pardo (A.D. Fogar) xunto ao subcampión de España Javier Llunch. A poucos segundos, nun terceiro grupo, figuraban os triatletas galegos Víctor Souto (A.D. Fogar) e Manel Rey (Talleres David Compostela). Novamente as caídas foron decisivas, xa que Alex e Víctor tiveron que remontar tras caer durante o segmento de ciclismo. Finalmente Marcos Ruíz foi oitavo na clasificación individual, mentres que Alex foi 13º; Manel 19º e Víctor, 25º.

 

Mañá domingo 28 de xuño (10:00 horas) celebrarase a proba de relevos mixto, na que participarán equipos formados por dous homes e dúas mulleres que realizarán un mini-tríatlon. Cada deportista terá que facer 300 metros de natación, 6 quilómetros de bicicleta e 1,5 de carreira a pe. Trala suma dos resultado de hoxe e de mañá darase a coñecer o podio do Campionato de España de Tríatlon Escolar por comunidades autónomas.

 

No ano 2014 Galicia logrou a medalla de prata na clasificación xeral do Campionato de España de Tríatlon Cadete por seleccións autonómicas, que se celebrou en Allariz. Valencia proclamouse campioa de España.

Quizáis che interese…

Challenge Mogán Gran Canaria

Challenge Mogán Gran Canaria

LoChallenge Mogán Gran Canaria Mañá sábado 24 de Abril, Pablo Dapena e Ivan Raña competirán cos millores triatletas de...