O sábado, 6 de maio, tivo lugar o XXXII Tríatlon de Oleiros, unha proba aberta de distancia Sprint na que podían participar deportistas a partir da categoría Xuvenil.
O percorrido tiña a saída, transición e meta no parque A Lagoa de Mera, situado detrás da praia de Mera, e ata alí desprazáronse máis de 150 triatletas.
Na proba absoluta feminina a vencedora foi a triatleta xuvenil, Lara Solsona, do Club Hércules Termaria cun tempo de 1:25:42, seguida de Elena Fernández, tamén do Club Hércules Termaria (1:28:09) e Mercedes Milán do Tríatlon Rias Baixas (1:29:17).
Na proba absoluta masculina, triunfo para o tamén xuvenil, Lucas Riola, do Club Natación Cedeira Muebles García cun tempo de 1:08:20. Segunda posición para Marcos Ruiz do Club Tríatlon Ferrol (1:08:37) e terceira para Juan Vázquez do A.D Náutico de Narón (1:09:19).
Por categorías, os vencedores foron:
Categoría Xuvenil
1- Lucas Riola (Club Natación Cedeira Muebles García) e Lara Solsona (Club Hércules Termaria)
2- Pablo Barro (Club Tríatlon Coruña)
3- Gabriel Freire (Club Tríatlon Coruña)
Categoría Junior
1- Tomás Prada (Club Hércules Termaria)
2- Francisco Bellas (Club Natación Cedeira Muebles García)
3- Pedro López (A.D. Fogar)
Categoría Sub23
1- Jorge Morado (Tríatlon Ferrol) e Elena Fernández (Club Hércules Termaria)
2- Diego Benedicto (Vetusta Universidad de Oviedo) e Lorena Álvarez (A.D Náutico de Narón)
3- Jorge Juan Tábara (Atletas Acea de Ama)
Categoría Veteranos/as 1
1- Pedro Pablo Bernárdez (Tríatlon Vilagarcía) e María José Vázquez (Club Tríatlon Coruña)
2- Alexandre Rodríguez (A.D. Fogar) e Begoña Feijoo (Munay Kirol Kluba)
3- Brais Rodríguez (Cidade de Lugo Fluvial)
Categoría Veteranos 2
1- Javier Ramos (Club Tríatlon Betanzos)
2- Antonio Vidal (Club Tríatlon Rianxo)
3- Carlos Spuch (Club Tríatlon Coruña)
O organizador da proba foi o Concello de Oleiros coa colaboración da Federación Galega de Tríatlon, Protección Civil do Concello de Oleiros, Policía Local do Concello de Oleiros e Garda Civil de Tráfico.
