MARÍA ORTEGA E PABLO DAPENA, CAMPIÓNS DO II TRÍATLÓN ATLÁNTICO – BAIONA

5 de Xuño de 2016

María Ortega (Tri-Penta Terras de Lugo) e Pablo Dapena (Cidade de Lugo Fluvial) cumpriron os prognósticos e proclamáronse campións do  II Tríatlon Atlántico – Baiona. Ademais, Pablo Dapena e Sonia Pariente son os novos campións galegos de distancia curta sen drafting.

Tanto Pablo como María partían como favoritos nunha proba cunha altísima participación e non decepcionaron. Pablo Dapena foi o absoluto domiñador da proba dende o primeiro momento, e así logrou chegar a meta con máis de seis minutos de vantaxe sobre o segundo, que foi Cristóbal Dios (Tri-Penta Terras de Lugo). Cristóbal foi de menos a máis e rematou cun tramo a pe espectacular. O bronce foi para Lucas Escaneo (Tríatlon Morrazo).

Na categoría feminina, María Ortega tamén foi a mellor dende o primeiro segmento. Na natación acadou case un minuto de distancia sobre a segunda clasificada (Sonia Pariente) e foi aumentando a vantaxe na bicicleta. Así, no úlitmo sector puido ir regulando forzas e chegar a meta con comodidade. A segunda posición foi para Sonia Pariente (GV Sports Club), que acadou ademais o título de campioa galega na distancia curta sen drafting, mentres que terceira foi María Jesús Coya (GV Sports Club).

A disputouse sobre a distancia olímpica (1.500 metros de natación, 40 quilómetros de bicicleta e 10 quilómetros de carreira a pe). A principal característica desta proba é que se disputa sen drafting, é dicir, está prohibido ir a roda doutro ciclista ou circular en pelotón.

II TRIATLON ATLANTICO BAIONA

Quizáis che interese…

Challenge Mogán Gran Canaria

Challenge Mogán Gran Canaria

LoChallenge Mogán Gran Canaria Mañá sábado 24 de Abril, Pablo Dapena e Ivan Raña competirán cos millores triatletas de...