MARTA BARBEITO E NICOLÁS DOMÍNGUEZ, GAÑADORES DO TRÍATLON CONCELLO DE OLEIROS

12 de Maio de 2018

Marta Barbeito (Náutico de Narón) e Nicolás Domínguez (Disa HPS Tríatlon) proclamáronse hoxe vencedores absolutos do XXIX Tríatlon Concello de Oleiros, no que participaron un total de 200 deportistas.

Na carreira masculina, Nicolás Domínguez foi remontando, despois dunha natación máis discreta. Fixo un moi bo segmento de ciclismo e rematou sendo o mellor na carreira a pe, para chegar a meta en solitario cun tempo de 1:08:42. O podio completouse con José Manuel Pardo Leis (Tríatlon Arteixo) na segunda posición e Miguel Ángel Acosta (Cidade de Lugo Fluvial), terceiro.

Na categoría feminina, Marta Barbeito domiñou de principio a fin. Foi a mellor na natación e na bicicleta, o que lle permitiu relaxarse un pouco na carreira a pe. Aínda así chegou a meta no primeiro lugar con case tres minutos e medio de vantaxe sobre a segunda clasificada, Laura Cabarcos (Náutico de Narón). O terceiro lugar foi para Sonia Roca (NoSportLimit).

No documento adxunto tedes todas as clasificacións.

TRIOLEIROS 2018

Quizáis che interese…

Política de cookies

Este sitio web usa cookies para que lle poidamos ofrecer a mellor experiencia de usuario posible. A información das cookies almacénase no seu navegador e realiza funcións como recoñecelo cando volve ao noso sitio web ou axudar ao noso equipo a comprender que seccións do sitio web lle resultan máis interesantes e útiles.