Este domingo 3 de abril (11:00 horas, Praza da Catedral) celebrarase a proba clasificatoria de Mondoñedo do programa “Xogade” de Dúatlon Escolar 2015, coa participación total de 40 deportistas. O programa conta con cinco probas clasificatorias e a de Mondoñedo é a cuarta. So queda pendente a de Maside, que terá lugar a próxima fin de semana.
As distancias son diferentes segundo a categoría. Desta forma, en benxamín as e os deportistas correrán 500 metros, farán 2 quilómetros en bicicleta e correrán 250 metros; en alevín as distancias son de 1 quilómetro (carreira), 4 quilómetros de bici e 500 metros de carreira a pe; en infantil, 1,5 quilómetros de carreira, 6 quilómetros de bicicleta e 750 metros de carreira e, por último, en cadete son 2 quilómetros de carreira a pe, 8 quilómetros de bicicleta 1 quilómetro de carreira.
O programa do Dúatlon Escolar está formado por cinco probas locais (Vedra, Santiago, Vilalba, Mondoñedo e Maside) que son clasificatorias para as provinciais, de onde sairán os participantes na final galega. Nas probas zonais clasifican os 25 mellores por categoría e sexo. “Xogade” está desenvolvido pola Secretaría Xeral para o Deporte da Xunta de Galicia, en colaboración coa Federación Galega de Tríatlon.
Máis de 1500 triatletas na Coruña
Máis de 1500 triatletas estarán esta fin de semana na Coruña nas xornadas finais das Ligas de...
