O DOMINGO 12 DE XUÑO CELEBRARASE O AVIAMÁN 2016 CON 130 DEPORTISTAS  

9 de Xuño de 2016

 

O domingo 12 de xuño terá lugar o Aviamán 2016 – VI Copa Deputación de Ourense de Tríatlon coa participación de 130 deportistas. Esta é a primeira proba de tríatlon de media distancia que se disputou en Galicia e destaca polo duro percorrido de ciclismo.

A proba, patrocinada pola Deputación de Ourense e organizada por Beariz Tríatlon, celebrarase entre os municipios de Castrelo de Miño, Leiro e Avión, e ten uns percorridos moi exixentes. Os participantes terán que facer 1.200 metros de natación no río Avia (que da o nome á proba). O máis duro chegará despois, xa que as e os triatletas deberán realizar 65 quilómetros en bicicleta, nun percorrido con 1.700 metros de desnivel e unha paisaxe especular. E xa por último, 14 quilómetros de carreira a pe, un sector suave que descorrerá principalmente (80%) sobre terra e sempre xunto ao río. A saída está prevista para as 09:00 horas dende a área recreativa Ponte Esperela en Leiro.

Desta forma, na categoría feminina podemos destacar a Blanca Lavandeira (Mar de Vigo), Priscila Suárez (Tríatlon Ferrol), Silvia Deira (Arcade Inforhouse), María Martínez (Atletismo Porriño) ou Mar Villar (Trinorth-Nogasa), gañadora da edición do 2015.

Na proba masculina os favoritos para lograr o triunfo son Cristóbal Dios (Tríatlon Arteixo), Enrique Morán (Atletismo Porriño), Arturo Ramos (Talleres David Tríatlon Compostela). O vencedor do pasado ano, Iñaki Pena-Manso foi baixa no último momento.

Resultados 2015. Iñaki Pena-Manso (Tríatlon Coruña) e Mar Villar (Trinorth-Nogasa) proclamáronse campións do Aviamán 2015, no que participaron 120 deportistas.

 

 

 

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...