O 6 de agosto, Esteban Basanta e Sara Guerrero lograron xunto a Nacho Gálvez e Cecilia Santamaría o 2° posto no Campionato de Europa de Tríatlon de Remudas Mixtas celebrado en Balikesir, Turquía.
O conxunto español realizou unha gran actuación nas catro postas e mantívose nos postos do podio ata o final. O equipo inglés chegou á meta con certa vantaxe, mentres que o segundo e terceiro posto estivo moi disputado entre España e Suiza. Finalmente, Cecilia Santamaría, triatleta do Cidade de Lugo Fluvial, foi superior correndo e o equipo español proclamouse subcampión de Europa.
O equipo inglés completou a proba nun tempo de 01:33:50, seguido do español (01:34:23) e do suizo (01:34:34).
Todos os deportistas do equipo español forman parte de clubes galegos. Gálvez, Santamaría e Basanta do Cidade de Lugo Fluvial e Guerrero do A.D. Náutico de Narón.
