O SÁBADO 18 CELEBRARASE O I TRÍATLON POPULAR CONCELLO DE CAMBADOS CON 200 INSCRITOS

16 de Xuño de 2016

 

O sábado 18 de xuño (17:00 horas) celebrarase o I Tríatlon Popular Concello de Cambados, con 200 deportistas inscritos. É á primeira edición desta proba e a resposta foi espectacular, tendo que abrir a organización unha lista de espera ao cubrirse o cupo máximo de participantes.

 

A proba celebrarase sobre a distancia sprint, é dicir: 750 metros de natación, 19 quilómetros de bicicleta e 5 de carreira a pe. A saída, transición e meta estarán situadas na Escalinata de Santo Tomé.

 

Na categoría masculina podemos destacar a Lucas Escaneo (Tríatlon Morrazo), Pedro Antonio Esmorís (Tríatlon Arteixo), José Manuel Pardo Leis (Tríatlon Arteixo) ou Miguel Daporta (Olímpico de Vedra), mentres que na feminina están inscritas Cristina Torres (Mar de Vigo), Patricia Iglesias (Team Corbelo) ou Iria Blanco (GV SPorts), entre outras deportistas.

 

 

Quizáis che interese…

Política de cookies

Este sitio web usa cookies para que lle poidamos ofrecer a mellor experiencia de usuario posible. A información das cookies almacénase no seu navegador e realiza funcións como recoñecelo cando volve ao noso sitio web ou axudar ao noso equipo a comprender que seccións do sitio web lle resultan máis interesantes e útiles.