O SÁBADO 30 DE XUÑO CELEBRARASE O VIII TRÍATLON CONCELLO DE POIO, QUE ESTREA PERCORRIDO

29 de Xuño de 2018

O sábado 30 de xuño celebrarase o VIII Tríatlon Concello de Poio, no que participarán un total de 220 deportistas. Esta proba, que estrea percorrido, é clasificatoria para o Campionato Galego.

 A competición comezará ás 15:30 horas coa saída da proba popular, na que os participantes terán que facer 300 metros de natación, 8 quilómetros de bicicleta e 2,5 quilómetros de carreira a pe. As probas federadas disputaranse sobre a distancia sprint (750-20-5). A saída, boxes e meta estarán ubicadas na praia de Lourido, nunha edición na que haberá cambio de percorridos.

Ás 17:50 horas darase a saída á proba feminina, na que parten como favoritas as triatletas Mónica Alarcón (NoSportLimit), Beatriz Dumet (Tríatlon Arteixo), Tania Súarez (Olímpico de Vedra), Penélope Martínez (Tríatlon Arteixo), entre outras.

Para a proba masculina haberá dúas saídas: ás 16:30 h comezará a proba B, mentres que ás 18:00 horas será a saída elite masculina. Na categoría masculina podemos sinalar a Carlos Agra (Tríatlon Vilagarcía), Gustavo Barral (Tríatlon Coruña) ou Roberto Andrade (Tríatlon Arteixo).

Resultados 2017. Joselyn Brea (Tri-Penta Terras de Lugo) e Antonio Benito (Cidade de Lugo Fluvial) lograron a vitoria no VII Tríatlon Concello de Poio nunha proba cun altísimo nivel.

Quizáis che interese…

Galegos con maiúsculas

Galegos con maiúsculas

Antonio Serrat, Susana Rodríguez, Antonio Benito, Cidade de Lugo Fluvial, Pablo Dapena e as...