Estructura e normativas
Regulamento do Comité Galego de Xuíces e Oficiais aprobado en Asamblea Xeral. Data 19 de Octubre de 2019.
Comité Galego de xuíces e oficiais – Mónica Flores (Presidenta), Juan Luis Botana (Secretario), Julia Ferreira, Miguel Fernández
Contacto- Mónica Flores- fegatri.xuices@gmail.com- Tlf. 982 25 13 45
Documentos para oficiais
Axudas-desprazamento pdf para imprimir-
Formulario Xurado de Competición (para publicación senon se fai na web coa reunión técnica)
Procedemento de Reclamacion Apelación aprobado en Asemblea Xeral FEGATRI (Probas Autonómicas)
Protocolo Comunicacións en radio para oficiais
Informe previo seguimento DT/ORG.
Non só os triatletas
fan tríatlon.
Ti tamén podes
participar.
FORMACIÓN DE OFICIAIS AUTONÓMICOS
Faite oficial de Tríatlon.
A FEGATRI é a responsable da formación autonómica.
Os xuíces autonómicos teñen as categorías de Oficial Técnico Nivel I e Oficial Técnico Nivel II de Tríatlon.
O noso colectivo segue a normativa e estrutura formativa da Federación Española de Triatlón . Os xuíces formados en Galicia pasan a formar parte desta estrutura.
Os cursos de formación desenvólvense entre o remate dunha tempada e o comezo da seguinte, na segunda e terceira fin de semana do mes de xaneiro. Nos mes de decembro publícase a convocatoria de formación, cos procedementos de inscrición, en colaboración coa FETRI.
FAITE OFICIAL DE TRÍATLON! e disfruta do tríatlon doutro xeito
CONVOCATORIA CURSOs XUÍCES/OFICIAIS
O Colexio Galego de Xuíces e Oficiais de Tríatlon celebra cada ano cursos de OFICIAL NIVEL 1 de triatlón en colaboración coa Federación Española de Tríatlon.
Os cursos estanse impartindo en formato semipresencial e está establecida a súa celebración nos meses de xaneiro de cada tempada. As convocatorias son publicadas na páxina principal da nosa web.
Explicando as normas
| **ERROS SANCIONABLES COMETIDOS A MIÚDO POLOS DEPORTISTA |
(Ver regulamento de competición para ampliar información.)
√ -IMPRESCINDIBLE- DNI, LICENZA ou DOCUMENTO OFICIAL con foto
O deportista acudirá identificado á área de transición, para pasar o control de material. (Documento oficial)
Non se permitirá a participación de ningún/ha deportista participante que non estea no listado facilitado pola organización e previamente visado pola Fegatri.
√ – CASCO PECHADO SEMPRE QUE HAXA CONTACTO COA BICICLETA .
O casco debe ir posto e pechado en todo momento no que se ten contacto coa bicicleta.
Cando pasamos o control de material
Nos quecementos
En todo o sector ciclista
Na área de transición
Antes de coller a bicicleta do soporte
Ata o momento en que se deposita a bicicleta no soporte, unha vez deixamos a bicicleta no soporte xa se pode abrir e sacar.
√ – DORSAL OBRIGATORIO NA CARREIRA A PÉ E NO CICLIMO
O dorsal será obrigatorio en todos os sectores, claramente visible á fronte do deportista en carreira a pé e na entrada á meta, e nas costas no Ciclismo.
√ – PEITO CUBERTO EN TODO MOMENTO
Non se pode realizar ningún segmento (nin a natación) co peito descuberto.
A cremallera dianteira non pode ir aberta en ningún momento, salvo en probas de media e longa distancia onde se permite ata os 50 metros previos ao arco de meta
√ – CIRCULACIÓN CORRECTA NA TRANSICIÓN
Débese acceder polo pasillo correcto e respectar o senso de circulación
Prohibido pasar por baixo ou por riba das barras ou soportes das bicicletas
√ – PROHIBIDO AGARRARSE ÁS ÁRBORES, VALOS OU MATERIAL URBANO PARA IMPULSARSE NOS XIROS
O deportista non pode agarrarse nos xiros ou curvas aos valos, árbores, farolas ou calquera outro material.(para corrixilo aplicarase unha sanción de tempo)
√ – PROHIBIDO SER ACOMPAÑADO OU ACCEDER A CALQUERA PARTE DO CIRCUÍTO AO CARÓN DO DEPORTISTA POR PERSOAS QUE NON ESTÁN COMPETINDO
Non se pode correr ao carón do deportista apoiandoo dende fóra do percorrido.
Acceder á liña de meta con familiares, animais, ou calquera persoa que non estea competindo supón a descualificación.
√ – OLLO Á BICICLETA
O guiador-
- Curva tradicional para competición de estrada onde se poida ir a roda. Extremos taponados.
- BTT para probas de cros.
- Non se permite bicicleta de ciclocros ou cicloturismo en ningún caso
O acople –
En competicións onde se permite circular en grupo, “drafting”/ Ir a roda permitido, está PROHIBIDO o uso de calquera acople ou engadido ao manillar (soporte do acople, repousabrazos, ou semellante). Non se permite acople de ningún tipo.
A roda (Competición aberta autonómica ou GGEE)- Non menos de 12 radios.
√ -RESPONSABILIDADE XERAL DO ATLETA
Obriga de coñecer o circuíto e o regulamento
Responsabilidade de completar o circuíto
Respecto á contorna e as persoas
√ -AXUDAS EXTERNAS
Non se permite ningún tipo de axuda, agás o avituallamento e material de reparación entre deportistas na competición.
Os adestradores deben dar as indicacións quietos dende fóra do circuíto.
Non se pode abandoar o material entregándoo a adestradores ou expectadores.
Aos menores ata infantil pódeselles axudar con avarías mecánicas. Só adestradores, oficiais e persoal de organización.
